Exposición CASTELAO GRAFISTA. Facsímiles, en Sarria
Oficina Municipal de Turismo do Concello de Sarria (Edificio Antiga Prisión Preventiva), en Avenida da Mercé, 8 | SARRIA
A exposición itinerante do ilustre rianxeiro segue a percorrer Galicia neste 2025, no que celebramos o Ano Castelao. O caricaturista, debuxante, ilustrador, columnista, escritor, pintor, escenógrafo, ensaísta, historiador, etnógrafo, teórico, político, Alfonso Daniel Rodríguez Castelao (Rianxo, A Coruña, 1886 – Bos Aires, 1950) constitúe o foco desta mostra que reúne unha ampla selección das súas múltiples facetas. Con este proxecto divulgamos a obra dun dos creadores e ideólogos galegos máis singulares por todas as localidades de Galicia para que toda a poboación sexa coñecedora e goce das súas creacións e das súas importantes achegas á nosa historia máis recente. Presentamos CASTELAO GRAFISTA (Facsímile).
Comisario | MIGUEL FERNÁNDEZ-CID
Esta exposición enmárcase en CULTURA POR ALIMENTOS, unha iniciativa de Afundación a favor de FESBAL (Federación Española de Bancos de Alimentos). Accede e colabora doando algún alimento non perecedoiro que irá destinado ao banco de alimentos local.
Entra aquí e infórmate.
A mostra reúne 19 facsímiles da Colección de Arte Afundación e 89 debuxos do álbum Cousas da vida de Castelao, dos que 49 pertencen á Colección de Arte ABANCA; tamén obras procedentes doutras institucións, galerías e particulares. Así e todo, pódense ver 3 retratos fotográficos, 4 caricaturas e 17 debuxos e portadas de revistas. Ademais, tamén se pode ler o texto orixinal do álbum Nós e contemplar 2 manuscritos de Castelao, 18 portadas das primeiras edicións dos seus libros, 3 páxinas interiores, 14 portadas de libros ilustradas por Castelao e 3 debuxos.
(...) Castelao realiza comentarios gráficos descritivos da realidade e costumes galegos, pero pronto a súa obra adquire un ton de compromiso –ético,social,político– que nunca perderá, ata converterse nun dos principais ideólogos do pensamento nacionalista.Como figura central da cultura contemporánea galega e como auténtico impulsor dun proxecto nacional, propio e distintivo, non se é ecuánime perante Castelao, ao que con frecuencia se lle esixe máis que a ninguén, esperando que estea sempre na excelencia, na frescura, na sagacidade. (...) Fernández-Cid, Miguel, "Castelao grafista" en Castelao grafista, Real Academia de Bellas Artes de San Fernando / Fundación MAPFRE / Fundación Gonzalo Torrente Ballester, Madrid, 2017.
Desde Afundación Obra Social ABANCA colaboramos co proxecto expositivo sobre o insigne Castelao itinerando a mostra agora co programa CORRENTE CULTURAL polos diferentes concellos galegos.
Organizada pola Fundación Gonzalo Torrente Ballester, a Real Academia Galega de Belas Artes E Turismo de Galicia – Xunta de Galicia, a exposición Castelao grafista (facsímil) é o proxecto máis ambicioso para dar a coñecer e difundir a obra e o pensamento de Castelao nos cinco continentes.
DIDÁCTICA
Co gallo do 75 aniversario da morte de Castelao, desde a área educativa de Afundación preparamos un proxecto gráfico para escolares:
TENDA EN LIÑA
CATÁLOGO Castelao grafista (facsímile) (Fundación Torrente Ballester, Santiago de Compostela, 2019)
CATÁLOGO Castelao grafista. Pinturas, dibujos, estampas (Real Academia de Bellas Artes de San Fernando, Fundación MAPFRE e Fundación Gonzalo Torrente Ballester, Madrid, 2017)
CORRENTE CULTURAL é unha aposta de ABANCA e Afundación para difundir cultura por toda Galicia, polos diferentes municipios e contando coa súa colaboración, construíndo unha rede de calidade que leve novas propostas máis alá dos nosos edificios. As iniciativas que conforman este ciclo parten dunha produción de nivel, con interese específico para a comunidade e unha estreita vinculación coas nosas tradicións e historia.
Aproveita para visitares a axenda web e decatáreste de todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para informarte doutras actividades escénicas.