Cruceiro de La Parda
- INV:
- 2519
- Año de creación:
- 1903
- Dimensiones:
- 23 x 34 x 0
- Técnica:
- Óleo sobre lenzo
Comentarios
Paisaxe rural dominada polo ancho camiño que ofrece unha gran perspectiva da obra. A ámbos os lados do camiño, a videira e un muro dirixen a atención ao centro da composición, presidida pola campesiña coas vacas e o cruceiro.
En último termo, as montañas e o ceo plúmbeo e anubrado revelan a capacidade exquisita do autor para captar a luz propia da paisaxe galega.
A obra, creada con mimo e detalle, goza dunha pincelada pequena e minuciosa, xogando cunha paleta armoniosa, cun gusto polos ocres e os verdes, que captan non só a vexetación senón a atmosfera tranquila e sosegada da vida do campo.
A pesar da aparente sinxeleza da composición, está plenamente lograda a sensación de autonomía, a escena ten vida propia, discorre ao longo do sendeiro e continúa máis alá da nosa mirada nunha obra que supera a simple anécdota e o costumismo anodino, descubríndose como un testemuño etnográfico dunha Galicia que sempre perdurará na memoria.